Offentleg transport

Avhengig av kvar du skal, er det mogleg å kome seg fram med bil, sykkel, kollektivtransport eller ved fly.

I sommarsesongen er det fleire moglegheiter for å nytte kollektivtransport, og i både Briksdalen, Fjærland og Jostedalen er det eigne tilbod om «brebussar».

På Kringom finn du informasjon om kollektivtilbodet rundt omkring i Nordfjord, Sunnfjord og Sogn. Her kan du søke i reiseplanleggar og finne informasjon om rutetider, billettar og prisar.

Entur.no samlar informasjon om kollektivtransport i Norge.

Besøk også destinasjonsselskapa sine nettsider for meir informasjon om kollektivtilbod: Visit Sognefjord, Visit Sunnfjord og Visit Nordfjord

Overnatting

Det er mange flotte overnattingsmoglegheiter kring nasjonalparken, fellesnemnaren for dei fleste er spektakulære omgjevnader!

Du kan overnatte på campingplassar og turisthotell som passar ein kvar smak og prisnivå ved mange stader kring breen. For full oversikt over overnattingsmoglegheiter, besøk destinasjonsselskapa sine nettsider.

Visit Sognefjord

Visit Sunnfjord

Visit Nordfjord

Turlagshytter

Føretrekk du å gå til fots fram til overnattingsstaden finst her turlagshytter med anmarsjar som strekk seg frå 0 til over 1800 vertikale høgdemeter. Kva med å vakne opp på nye Tungestølen Turisthytte med sine spesielle arkitektur eller på toppen av Skåla og nye Skålabu der du kan nyte soloppgongen frå 1850 meters høgd?

Nokre av hyttene lista her er DNT-hytter og nokre er eigd av lokale turlag. Merk at nokon av hyttene krev førehandsbestilling og at du har med nøkkel. Her finst både betjente og ubetjente hytter.

Tungestølen turisthytte

Skålabu

Flatbrehytta

Vetledalseter